Monday, June 6, 2016

COPA AMERICA CENTENARIO: VINTAGE AIONGOZA MEXICO NA KUIFUMUA URUGUAY


Mashindano ya kusaka Nchi Bingwa wa Copa América Centenario yameendelea kwa Mechi za Kundi C na D huko Nchini USA.
Kwenye Kundi C Venezuela iliichapa Jamaica 1-0 kwa Bao la Dakika ya 16 la Josef Martinez na Mechi nyingine ya Kundi hilo, Mexico iliitwanga Uruguay 3-1 kwenye Mechi ambayo kila Timu ilimaliza Mtu 10.
Bao za Mexico zilifungwa na Alvaro Pereira, aliejifunga mwenyewe Dakika 4, Rafael Marquez, 85, Hector Herrera, 92 na Uruguay kupata Bao lao Dakika ya 74 kupitia Diego Godin.

Uruguay walibaki Mtu 10 kuanzia Dakika ya 45 baada ya Matias Vecino kupewa Kadi ya Njano ya Pili na kutolewa kwa Kadi Nyekundu na Mexico nao kubaki 10 kuanzia Dakika ya 73 baada ya Andres Guardado kupewa Kadi ya Njano ya Pili na kutolewa kwa Kadi Nyekundu.

Mashindano haya Copa América Centenario ni mahsusi kusheherekea Miaka 100 ya Copa America, Mashindano ya Shirikisho la Soka la Nchi za Marekani ya Kusini, CONMEBOL, ambayo yalianzishwa Mwaka 1916.

Hii ni mara ya kwanza kwa michuano hii kuchezwa nje ya Marekani ya Kusini.

Haya yatakuwa ni Mashindano ya 45 kufanyika na kawaida yake hufanyika kila baada ya Miaka Minne lakini safari hii CONMEBOL na CONCACAF, Shirikisho la Soka la Nchi za Marekani ya Kaskazini, Kati na Nchi za Visiwa vya Caribbean, walikubaliana kuandaa Mashindano maalum.

Safari hii michuano hii itakuwa na Nchi 16, badala ya 12 za kawaida, kwa kushirikisha Nchi 10 kutoka CONMEBOL na 6 za CONCACAF.

Kawaida Mshindi wa Copa America huiwakilisha Marekani ya Kusini kwenye Mashindano ya FIFA ya Kombe la Shirikisho lakini Mshindi wa Copa América Centenario hatapewa hilo kwani Mwaka Jana Chile, wakiwa Nyumbani kwao, ndio walitwaa Copa America ya kawaida na wao ndio watashiriki Mashindano ya FIFA ya Kombe la Shirikisho Mwakani, 2017, huko Russia.

Kwenye Mechi nyingine zilichochezwa Usiku wa Jana, Costa Rica na Paraguay za Kundi A zilitoka 0-0 na kwenye Kundi B Peru iliifunga Haiti 1-0 kwa Bao la Dakika ya 61 la Paulo Guerrero.


RATIBA
Jumamosi 4 Juni 2016

USA 0 Colombia 2
Costa Rica 0 Paraguay 0

Jumapili 5 Juni 2016
Haiti 0 Peru 1
Brazil 0 Ecuador 0
Jamaica 0 Venezuela 1

Jumatatu 6 Juni 2016
Mexico 3 Uruguay 1

Jumanne 7 Juni 2016
0001 Panama v Bolivia
0500 Argentina v Chile

Jumatano 8 Juni 2016
0300 USA v Costa Rica
0530 Colombia v Paraguay

Alhamisi 9 Juni 2016
0230 Brazil v Haiti
0400 Ecuador v Peru

Ijumaa 10 Juni 2016
0230 Uruguay v Venezuela
0500 Mexico v Jamaica

Jumamosi 11 Juni 2016
0200 Chile v Bolivia
0430 Argentina v Panama

Jumapili 12 Juni 2016
0200 USA v Paraguay
0400 Colombia v Costa Rica
0130 Ecuador v Haiti

Jumatatu 13 Juni 2016
0330 Brazil v Peru

Jumanne 14 Juni 2016
0300 Mexico v Venezuela
0500 Uruguay v Jamaica

Jumatano 15 Juni 2016
0300 Chile v Panama
0500 Argentina v Bolivia

Robo Fainali
Ijumaa 17 Juni 2016

0430 Mshindi Kundi A v Mshindi wa 2 Kundi B [RF1]

Jumamosi 18 Juni 2016
0300 Mshindi Kundi B v Mshindi wa 2 Kundi A [RF2]

Jumapili 19 Juni 2016
0200 Mshindi Kundi D v Mshindi wa 2 Kundi C [RF3]
0500 Mshindi Kundi C v Mshindi wa 2 Kundi D [RF4]

NUSU FAINALI
Jumatano 22 Juni 2016

0400 Mshindi RF1 v Mshindi RF3

Alhamisi 23 Juni 2016
0300 Mshindi RF2 v Mshindi RF4

MSHINDI WA TATU
Jumapili 26 Juni 2016

0200

FAINALI
Jumatatu 27 Juni 2016

0300