Friday, June 17, 2016

STAND UNITED YAISHTAKI TFF FIFA

www.bukobasports.com
SHIRIKISHO la Soka Tanzania, (TFF) linatuhumiwa na klabu ya Stand United ya Shinyanga kwamba haiungi mkono uongozi wa timu hiyo badala yake inafanya kazi na watu wengine ambao wanajiita viongozi baada ya timu kupata udhamini kutoka ACACIA
Akizungumza jijini, Mshauri wa ufundi wa Stand United Dkt. Jonas Tiboroha amesema, ushahidi upo kati ya maafisa wa TFF na baadhi ya viongozi wa kundi ambalo haliungwi mkono na Stand United na hivyo klabu wameamua kupeleka ushahidi huo FIFA ili kuona haki yao inapatikana.
“Sisi tumechukua nyaraka zote ambazo zinahusisha mgogoro huu jinsi abavyo ulikuwa na jinsi ambavyo tunautafsiri kisheria na vielelezo zaidi ya 42 ambavyo tunavipeleka FIFA na tumepeleka kesi saba zinazoonesha namna Stand United inavyo nyang’anywa haki zake mkononi na kundi la watu fulani,” alisema Dkt. Tiboroha
“Wakati sisi tunafanya juhudi kufanya uchaguzi, kumbe kuna mawasiliano upande kwa pili nao wameambiwa pia wafanye uchaguzi, sasa mwisho wa siku TFF watatambua katika uchaguzi upi?”
Stand United imekuwa kwenye mvutano kwa muda mrefu mara baada ya kupata udhamini kutoka kwa kampuni ya uchimbaji madini ya ACACIA.
Baada ya timu hiyo ya Shinyanga kupata udhamini mnono, zilianza kutengenezwa kamati mbalimbali kwa ajili ya kusimamia fedha hizo huku baadhi ya viongozi wa zamani wa timu hiyo wakiwekwa pembeni ya timu hali ambayo imezua mvutano mkubwa.