Sunday, December 17, 2017

MAN CITY WAZIDI KUWEKA REKODI! GUARDIOLA AMWAGIA SIFA DE BRUYNE MAN CITY IKIICHAKAZA TOTTENHAM

Kocha Pep Guardiola amesema Kevin de Bruyne anaisaidia Manchester City kuwa taasisi bora, baada ya kuonyesha kiwango cha kuvutia katika ushindi wa magoli 4-1 dhidi ya Tottenham na kuongoza Ligi Kuu ya Uingereza kwa tofauti ya pointi 14.
Ilkay Gundogan akiziba nafasi ya David Silva alioukosa mchezo huo, aliifanya Manchester City kuongoza katika dakika ya 14, kabla ya baadaye mchezaji bora wa mchezo huo Kevin De Bruyne kufunga kwa mpira wa shuti kali.
Gabriel Jesus aligonga mwamba kwa shuti la mkwaju wa penati lakini Raheem Sterling aliuwahi mpira na kutumbukiza mpira wavuni, Sterling tena akatumia makosa ya Eric Dier na kufunga goli la nne na Christian Eriksen kuchomoa moja dakika za mwisho.
Ilkay Gundogan akifunga kwa mpira wa kichwa wa kuchupa akiunganisha kona la Leroy Sane
Raheem Sterling akifunga goli lake kati ya mawili aliyoyafunga katika mchezo huo